ⵜⵡⴰⵍⴰ ⵜⵏⴱⴰⴹⵜ ⴰⵏⴱⴰⴹ ⵏ ⵓⵣⴳⴳⵉⵔ, ⴰⵔ ⵜⵙⵡⵓⵔⵉ ⴷⴷⴰⵡ ⵏ ⵜⵏⴱⴰⴹⵜ ⵏ ⵓⵏⵙⵙⵉⵅⴼ ⵏⵏⵙ, ⴰⵔ ⵜⵜⵉⵍⵉ ⵜⵎⵙⵙⴰⴳⵓⵔⵜ ⴰ ⵜⵡⵓⵔⵉ ⴷⴷⵖ ⴷⴷⴰⵡ ⵏ ⵓⴼⵓⵙ ⵏⵏⵙ. ⵎⴽ ⵍⵍⵉ ⵜⵡⴰⵍⴰ ⴰⵎⵓⵜⵔ ⴷ ⵓⵙⵖⵍⴼ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰ ⵜⵉⴳⴷⵓⴷⴰⵏⵉⵏ.
ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵖⴰⵔⵙ ⵜⴰⵏⴱⴰⴹⵜ ⵜⴰⵙⵏⵎⴰⵍⴰⵢⵜ ⴷⴷⴰⵡ ⵏ ⵓⴼⵓⵙ ⵏⵏⵙ. ⴷ ⵉⵣⵎⵔ ⴰⴷ ⵉⵣⵣⵔⵉ ⴽⵔⴰ ⵏ ⵜⵉⴽⴽⵉⵡⵉⵏ ⵏⵏⵙ ⵉ ⵉⵎⴰⵡⴰⵙⵏ. ⵃⵎⴰ ⴰⴷ ⴰⵙⵉⵏ ⵜⴰⵎⴰⵙⵙⴰⵢⵜ ⵏ ⴽⵔⴰ ⵏ ⵜⵖⵜⴰⵙⵉⵏ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵏⵏⵉ ⴰⵙⵏ ⵢⴰⴽⴽⴰⵏ ⴰⵣⵔⵔⵓⵢ ⵏ ⵓⵙⴳⵎⴹ.
ⴷⴰ ⵉⵜⵜⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷⴷⴰⵡ ⵏ ⵓⵏⴱⴰⴹ ⵏ ⵓⵏⵙⵙⵉⵅⴼ ⵏⵏⵙ ⴰⵡⴰⵍ ⵅⴼ ⵉⵙⴽⴽⵉⵏⵏ ⴷ ⵉⴹⵕⵉⵚⵏ ⴰ:
- ⵜⴰⵙⵔⵜⵉⵜ ⵜⴰⵎⴰⵜⴰⵢⵜ ⵏ ⵓⵡⴰⵏⴽ ⴷⴰⵜ ⵏ ⵓⵙⵏⴽⴷ ⵏⵏⵙ ⵅⴼ ⵓⵙⵇⵇⵉⵎ ⴰⵎⴰⵡⵙⴰⵙ;
- ⵜⵉⵙⵔⵜⴰⵜⵉⵏ ⵜⵉⴳⴷⴰⴷⵓⵏⵉⵏ;
- ⵜⵉⵙⵔⵜⴰⵜⵉⵏ ⵏ ⵢⵉⴳⵔⴰⵏ;
- ⵜⵓⵜⵜⵔⴰ ⵏ ⵜⴼⵍⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴼ ⴰⴷ ⵜⵙⵎⴷ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ;
- ⵉⵙⴽⴽⵉⵏⵏ ⴷ ⵉⵣⵣⴰⵏ, ⵉⵣⴷⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⵎⴰⵍⴰ ⴰⵎⴰⵜⴰⵢ;
- ⵉⵙⵖⵏⵓⵜⵏ ⵏ ⵉⵣⵔⴼⴰⵏⵏ, ⵙⴳ ⴷⵉⴳⵙⵏ ⴰⵙⵖⵏⵓ ⵏ ⵓⵣⵔⴼ ⴰⵥⵕⴼⴰⵏ;
- ⵜⴰⵏⴰⴹⵉⵏ ⵏ ⵉⵣⵔⴼⴰⵏ;
- ⵉⵙⵖⵏⵓⵜⵏ ⵏ ⵜⴰⵏⴰⴹⵉⵏ ⵜⵉⵎⵙⵙⵓⴷⴰⵙ;
- ⵜⵉⵎⵢⴰⵇⵇⴰⵏⵉⵏ ⵜⵉⵎⴰⴹⵍⴰⵏⵉⵏ ⴷⴰⵜ ⵏ ⵓⵙⵏⴽⴷ ⵏⵏⵙⵏⵜ ⵎⵏⵉⴷ ⵏ ⵓⵙⵇⵇⵉⵎ ⴰⵎⴰⵡⵙⴰⵙ.
ⴷⴰ ⵉⵙⵙⵏⴽⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵍⵍⵉⴷ ⵜⵉⴳⴰⵔⴰⵢⵉⵏ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ.
ⵜⵍⵍⴰ ⵜⵎⴰⵙⵙⴰⵢⵜ ⵏ ⵓⵣⴳⴳⵉⵔ ⵏ ⵜⵙⵔⵜⵉⵜ ⵜⵓⵏⴱⵉⴹⵜ ⴳ ⴽⴰ ⵉⴳⴰ ⵜ ⵉⴳⵔ ⵅⴼ ⵉⵎⵡⴰⵙⴰⵙⵏ, ⵅ ⵓⵙⴰⵜⵉ ⵏ ⵓⵎⵢⴰⵡⴰⵙ ⵓⵏⴱⵉⴹ.
ⵍⵍⴰ ⵜⵜⴱⴷⴷⴰⵏ ⵉⵎⴰⵡⵙⴰⵙⵏ ⵅⴼ ⵜⵡⵓⵔⵉⵡⵉⵏ ⵏⵏⵉ ⴰⵙⵏ ⵉⵡⵛⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵔ ⵙⵙⵏⴽⴰⴷⵏ ⴰⵙⵓⵔⵙ ⵏ ⵜⵡⵓⵔⵉ ⵏⵏⵙⵏ ⵅⴼⴰⵙⵇⵇⵉⵎ ⵏ ⵜⵏⴱⴰⴹⵜ.