ⵉ ⵎⴰ ⵉⵥⵍⵉⵏ ⵉ ⵓⵎⵙⴹⴼⴰⵕ ⵏ ⵜⴳⵎⵉ ⵏ ⵢⵉⴳⵔ ⵏ ⵜⴼⵍⵍⴰⵃⵜ,ⴷ ⴳ ⵜⴳⵉⵔⴰ ⵏ 12 ⵏ ⵉⵙⴳⴳⵯⴰⵙⵏ ⵉⴽⴽⴰ “ⵓⵖⴰⵡⴰⵙ ⵍⵎⵖⵔⵉⴱ ⴰⵣⴳⵣⴰⵡ”, ⵉⵕⵥⵎ ⵍⵎⵖⵔⵉⴱ ⵢⴰⵜ ⵏ ⵜⵙⵜⵔⴰⵜⵉⵊⵉⵜ ⵜⴰⵜⵔⴰⵔⵜ, ⵉⵙⵎ ⵏⵏⵙ: “ ⵜⴰⵙⵓⵜ ⵜⴰⵣⴳⵣⴰⵡⵜ 2020-2030”.
ⵜⴳⴰ ⵜⵙⵜⵔⵜⵉⵊⵉⵜ ⴰⴷ ⵜⴰⵜⵔⴰⵔⵜ ⴰⵙⵍⵉⴷ ⴳ ⵎⴰ ⵉⵥⵍⵉⵏ ⵉ ⵜⵙⵓⵍⵜ ⵏ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ. ⴽⴽⵓ, ⵉⵄⵔⵔⵎ ⵓⵖⴰⵡⴰⵙ ⴰⵣⴳⵣⴰⵡ ⵅⴼ ⵓⵙⴱⵓⵖⵍⵓ ⵏ ⵉⵙⴷⴷⵉⵜⵏ ⵏ ⵓⴼⴰⵔⵙ ⴷ ⵜⵎⴽⵏⴰⵏⵉⵜ ⵏ ⵢⵉⴳⵔ ⴰⵏⴼⵍⴰⵃ ⴷ ⵓⵙⵏⵎⴰⵍⴰ ⴰⵣⵣⵓⵍⴰⵏ, ⴷ ⵓⵙⴳⵉⴷⵉ ⵏ ⵉⵎⵏⵓⵎⵎⵙⵏ ⵏ ⵓⵙⴷⴷⵓⵍ ⵏⵉⵏⵎⴰⵔⵏ ⵉⵎⵙⴰⴷⵓⵔⵏ ⴷ ⵓⴱⵟⵟⵏ ⵏ ⵓⴼⴰⵔⵙ ⴰⵎⵙⴰⵔⵉ ⵏ ⵜⴼⵍⵍⴰⵃⵜ, ⴷ ⵓⵙⴷⵓⵙ ⵏ ⵓⵙⵉⴼⴹ ⴰⵏⴼⵍⴰⵃ, ⴷ ⵓⵙⴳⵉⴷⵉ ⵏⵓⴽⵙⴰⵢ ⵏ ⵉⵙⵙⴰⵔⵓⵜⵏ, ⵉⴳ ⵓⵖⴰⵡⴰⵙ ⵏ ⵜⴰⵙⵓⵜ ⵜⴰⵣⴳⵣⴰⵡⵜⵜⴰⵜⵔⴰⵔⵜ ⵎⴰ ⵉⵡⴰⵍⴰⵏ ⴰⵙⵖⵔⵜ ⵏ ⵓⴼⵍⵍⴰⵃ ⴷ ⵓⵙⴳⵉⴷⵉ ⵏ ⵓⵙⵡⵉⵔ ⵏⵏⵙ ⴰⵏⴰⵎⵓⵏ ⴰⴷⵎⵙⴰⵏ.
ⵙ ⵎⴰⵏⴰⵢⴰ, ⵜⴱⴷⴷ ⵜⴰⵙⵓⵜ ⵜⴰⵣⴳⵣⴰⵡⵜ ⵅⴼ ⵙⵏⴰⵜ ⵏ ⵜⵔⵙⴰⵍ: ⵜⴰⵎⵣⵡⴰⵔⵓⵜ ⴷⴰ ⵜⵜⴳⴳⴰ ⴳ ⵓⴼⵔⴷⵉⵙ ⴰⵏⴰⴼⴳⴰⵏ ⴰⵙⵉⵣⵡⵔ ⴳ ⴽⵓ ⴰⵎⵙⴰⵔⴰⵙ ⴰⵏⴳⵎⵓ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵢⵉⴳⵔ ⴰⵏⴼⵍⴰⵃ; ⵜⵉⵙ ⵙⵏⴰⵜ ⵏ ⵜⵔⵙⴰⵍ, ⵜⵡⴰⵍⴰ ⴰⵎⵙⴹⴼⴰⵕ ⵏ ⵜⴷⵉⵏⴰⵎⵉⵜ ⵏ ⵜⴳⵎⵉ ⵜⴰⵏⴼⵍⴰⵃⵜ ⴷ ⵜⴰⵡⵏⴰ ⵅⴼ ⵓⵙⵎⴰⵢⵏⵓ ⴷ ⵓⵙⵜⵔⴰⵔ ⵏ ⵢⵉⴳⵔ, ⴷ ⵓⵙⵔⵓⵙ ⵏ ⵜⴰⵙⵓⵜ ⵜⴰⵎⴰⵢⵏⵓⵜ ⵏ “ ⵉⵎⵙⵙⵏⵜⵉⵢⵏ ⵉⵄⵔⵔⵉⵎⵏ” ⴳ ⵢⵉⴳⵔ ⵏ ⵜⴼⵍⵍⴰⵃⵜ. ⴷ ⵓⴳⴳⴰⵔ, ⵙ ⵓⵙⴱⵓⵖⵍⵓ ⵏ ⵜⵣⵎⴰⵔ ⵜⵉⵜⵔⴰⵔⵉⵏ ⵉⵙⵡⵓⵜⵜⵓⵙⵏ ⴰⵙⵓⵔⵙ ⵏ ⵡⴰⴳⵍⴰ, ⴷ ⵓⵎⵢⴰⵏⴰⵡ ⵏ ⵉⵣⵎⴰⵣ ⵏ ⵜⵡⵓⵔⵉⴷ ⵓⵙⵓⵜⴳ ⵏ ⵓⴼⴰⵔⴰ ⴰⵎⵖⵔⵉⴱⵉ.
ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⴰⵙⵉⵜ ⴰⴷ:
ⵜⴰⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ - ⵜⴰⵣⵓⵏⵉ ⵏ ⵜⴼⵍⵍⴰⵃⵜ.