ⵜⴰⴼⵍⵍⴰⵃⵜ

ⵜⴱⵓⵖⵍⴰ ⴱⴰⵀⵔⴰ ⵜⴼⵍⵍⴰⵃⵜ ⵜⴰⵎⵖⵔⵉⴱⵉⵜ ⴳ ⵉⵙⴳⴳⵯⴰⵙⵏ ⴰⴷ ⵣⵔⵏⵉⵏ ⴳ ⴽⵓ ⵎⴰ ⵉⵥⵍⵉⵏ ⵉ ⵜⵓⵔⵔⵓⵜ ⵏ ⵉⴽⴰⵍⵉⵡⵏⵏ ⵣⴰⵍⴰⵖ ⵏⵖ ⵉ ⵓⵙⵜⵔⴰⵔ ⴷ ⵜⵎⴽⵏⴰⵏⵉⵜ ⵏ ⵜⵣⵓⵏⵉ ⴰⴷ, ⴷ ⵓⵙⵎⵢⴰⵏⴰⵡ ⵏ ⵓⵢⴰⴼⵓ ⴰⵏⴼⵍⵍⴰⵃ, ⴷ ⵓⵙⴳⴷⵓⴷⵉ  ⵏ ⵜⵔⴰⵔⵓⵜ ⵏ ⵜⵣⵓⵏⵉ, ⵏⵖ ⴰⵙⴳⵉⴷⵉ ⵏ ⵉⵎⴹⴰⵏⵏ ⵏ ⵉⴼⵍⵍⴰⵃⵏ.

ⴷⵖⵉ, ⵉⴳⴰ ⵢⵉⴳⵔ ⵏ ⵜⴼⵍⵍⴰⵃⵜ ⵙⴳ ⵜⵔⵙⴰⵍ ⵜⵉⴽⵙⵡⴰⵜⵉⵏ ⵏ ⵜⴷⴰⵎⵙⴰ ⵜⴰⵎⵖⵔⵉⴱⵉⵜ. ⵃⵎⴰ, ⵜⵟⵟⴼ ⵜⴱⵣⴰⵔⵜ ⵏⵏⵙ ⴰⵜⵉⴳ ⵢⴰⵜⵜⵓⵢⵏ ⴳ ⵜⵣⴰⴳⵣⵜ ⵜⴰⴳⵯⵏⵙⴰⵏⵜ ⵜⴰⵎⵙⴰⵔⵉⵜ. ⵎⴽ ⵍⵍⵉ ⴱⴷⴰ ⵉⵣⴷⵉⵙ ⵜⵍⵓⴼⵜ ⵓⵎⵏⵓⵎⵎⵙ ⵏ ⵜⴳⵎⵉ ⴷ ⵡⵉⵏ ⵜⵔⴰⵔⵓⵜ ⵏ ⵜⴼⵍⵍⴰⵃⵜ ⴳ  ⵍⵎⵖⵔⵉⴱ.

ⵜⴰⵎⵙⵍⴰⵢⵜ ⵏ ⵡⴰⵎⴰⵏ ⴷ ⵏⵜⵜⴰⵜ, ⵢⴰⵜ ⵏ ⵜⵖⴰⵡⵙⵉⵡⵉⵏ ⵜⵉⵅⵜⴰⵔⵉⵏ ⵉⵟⵟⴼⵏ ⴰⵜⵉⴳ ⵢⴰⵜⵜⵓⵢⵏ. ⴰⵛⴽⵓ, ⴰⵎⴰⵏ ⴰⴷ ⵉⴳⴰⵏ ⵜⴰⵙⵉⵍⴰ ⵏ ⵜⴳⵎⵉ ⵏ ⵜⴼⵍⵍⴰⵃⵜ ⴳ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵙ ⵓⵣⴷⴰⵢ ⵏⵏⵙ ⵎⴰⵕⵕⴰ ⴷ ⵓⵥⵟⵟⴰ ⵏ ⵡⵓⴳⴳⵓⴳⵏ ⵉⵜⵜⵓⴱⴹⴰⵏ ⴳ ⵜⵎⴰⵣⵉⵔⵜ ⵏⵏⵖ. ⵉⵔⵉⵎⵏ ⵏ ⵜⵎⵙⵍⴰⵢⵜ ⴰⴷ ⴰⵙ ⵢⵉⵡⴹ ⵍⵎⵖⵔⵉⴱ ⵙⴳ ⵉⵙⴳⴳⵯⴰⵙⵏ ⵏ ⴽⵕⴰⴹ ⵏ ⵡⴰⴳⵏⴰⵔⵏ ⴳ ⵜⴰⵙⵓⵜ ⴰⴷ ⵉⵣⵔⵉⵏ ⵓⵎⵎⵉⵥⵏ ⵏ ⵜⵎⵓⵣⴰⵢⵜ ⵜⴰⵅⴰⵜⴰⵔⵜ ⴳ ⵎⴰ ⵉⵥⵍⵉⵏ ⵉ ⵓⵚⴽⵓ ⴷ ⵓⵙⵔⵙ ⵏ ⵡⵓⴳⴳⵓⴳⵏ ⵉⴼⴽⴰⵏ ⵜⵉⵢⵓⴼⴰ ⵜⵉⴽⵙⵡⴰⵜⵉⵏ ⵉ ⵢⵉⴳⵔ ⵏ ⵜⴼⵍⵍⴰⵃⵜ.

ⵙⵎⵉ ⵏⵓⵙⵎⵀⵍ ⵏ ⵓⵖⴰⵡⴰⵙ ⴰⵣⴳⵣⴰ, ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵡⴰⵢⵢⵓⵔ ⵏ ⵉⴱⵔⵉⵔ 2008, ⵉⵣⵎⴰⵔ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⵉⴷⵔⵓⵙⵏ ⵣⵔⵉⵏⵉⵏ  ⴰⴷ ⵉⵙⵎⴷⵎⴰⴷ ⵜ ⵢⵓⵡⴷⴰⵏ ⴳ ⴽⵔⴰ ⵏ ⵉⵢⴰⴼⵓⵜⵏ ⵉⵎⵙⴰⴷⵓⵔⵏ ⵙ ⵓⵎⵙⴰⵔⴰⵙ ⵏ ⵓⵙⴱⵓⵖⵍⵓ ⵏ ⵉⵙⴷⴷⵉⵜⵏ ⵏ ⵜⴼⵍⵍⴰⵃⵜ ⴷ ⵓⵙⴼⵓⵍⴽⵉ ⵏ ⵜⴽⵙⵙⴰⴱⵜ ⴷ ⵓⴳⴳⴰⵔ ⴳ ⵓⵙⴽⴽⵉⵔ ⵏ ⵜⵎⴽⵏⴰⵏⵉⵜ ⴷ ⵜⴰⵡⵏⴰ ⵏⵏⵙ ⵅⴼ ⵓⵙⵃⴷⵓⴷⵉ ⴳ ⵡⴰⵎⴰⵏ.

ⵎⴽ ⵍⵍⵉ ⵜⵙⵎⴷ ⵜⴼⵍⵍⴰⵃⵜ ⵜⴰⵎⵖⵔⵉⴱⵉⵜ ⵉⵙⵡⵉⵔⵏ ⵢⴰⵜⵜⵓⵢⵏ ⵏ ⵓⴼⴰⵔⵙ ⵏ ⵜⵙⵎⵎⴰⵎⵉⵏ ⴷ ⵉⵎⵏⴷⵉ ⴷ ⵙⵙⴽⴽⵯⴰⵔ ⴷ ⵓⵣⴰⵜⵉⵎ, ⵜⴳ ⵜⴽⵙⵙⴰⴱⵜ ( ⵏ ⵡⵓⵍⵍⵉ ⴷ ⵉⵣⴳⴰⵔⵏ ⴷ ⵡⴰⵖⴰⴹⵏ ⴷ ⵉⵕⴰⵎⴰⵏ ⴷ ⵉⵎⵓⵊⵊⵓⴹⵏ) ⵙⴳ ⵉⴼⵔⴷⴰⵙ ⵉⵥⵍⵉⵏ ⵏ ⵜⴼⵍⵍⴰⵃⵜ ⴳ ⵍⵎⵖⵔⵉⴱ.

ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⴰⵙⵉⵜ ⴰⴷ:

ⵜⴰⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ - ⵜⴰⵣⵓⵏⵉ ⵏ ⵜⴼⵍⵍⴰⵃⵜ.