ⵜⴰⵔⵉⴷⵉⵔⵜ ⵜⴰⵏⵉⵎⴰⵏⵜ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ

SM le Roi Mohammed VI

ⵉⵍⵓⵍ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴳ ⵡⴰⵙⵙ ⵏ 21 ⵖⵓⵛⵜ 1963 ⴳ ⵕⵕⴱⴰⵟ. ⵉⴳⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵡⵉⵙⵙ ⵡⴰⴳⵏⴰⵔ ⴷ ⴽⵕⴰⴹ ⴳ ⵓⵡⴰⵏⴽ ⴰⵄⴰⵍⴰⵡⵉ ⴰⵛⵔⵉⴼ, ⵉⵡⴰⵍⴰⵏ ⴰⴷⴰⴱⵓ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵣⴳ ⵓⵣⴳⵏ ⵏ ⵜⴰⵙⵓⵜ ⵜⵉⵙⵙ ⵙⴰⵜ ⴷ ⵎⵔⴰⵡⵜ ⵙ ⵓⵙⵎⵍⵓⵙⵙⴰⵏ ⵏ ⵜⵍⴰⵍⵉⵜ ⵏ ⵄⵉⵙⴰ.

ⵜⴳⴰ ⵜⵡⵊⴰ ⵜⴰⵄⴰⵍⴰⵡⵉⵜ ⵓⵍⵜ ⵓⵙⵓⴼⵏ ⵜⵉⵣⵉ ⵏ ⵏⵏⴱⵉ, ⵜⵜⵓⵙⵎⴰⴷ ⵜⵎⵜⵉⵔⴰⵡⵜ ⵏ ⵡⴰⵢⵢⴰⵡⵏ ⵏⵏⵙ ⴳ ⵓⵎⴰⵣⴰⵏ ⵏ ⵕⴱⴱⵉ ⵙⵉⴷⵏⴰ ⵎⵓⵃⵎⵎⴷ, ⵜⴰⵥⴰⵍⵍⵉⵜ ⵏ ⵕⴱⴱⵉ ⴼⵍⵍⴰⵙ. ⵜⴳⴰ ⵙⵉⵊⵍⵎⴰⵙⴰ ⴳ ⵜⵡⵓⵏⵏⴰⴹⵜ ⵏ ⵜⴼⵉⵍⴰⵍⵜ ⴰⵙⵓⵔⵙ ⵏ ⵜⵓⵡⵊⴰ ⵜⴰⴳⵍⴷⴰⵏⵜ ⴳ ⵡⴰⵎⴰⵙⵙ ⵏ ⵜⴰⵙⵓⵜ ⵜⵉⵙ ⴽⵕⴰⴹ ⴷ ⵎⵔⴰⵡⵜ ⵙ ⵓⵙⵎⵍⵓⵙⵙⴰⵏ ⵏ ⵜⵍⴰⵍⵉⵜ ⵏ ⵄⵉⵙⴰ.

ⵜⴰⵎⵖⵓⵔⵉ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⴽⴰⴷⵉⵎⵉ:

- ⴳ ⵡⵉⵙ ⴽⴽⵓⵥ ⵏ ⵉⵙⴳⴳⵯⴰⵙⵏ ⵏ ⵡⴰⵡⵜⴰⵢ ⵏⵏⵙ, ⴰⴷ ⵜ ⵉⵙⵙⴽⵛ ⴱⴰⴱⴰⵙ ⴱⴰⴱ ⵏ ⵡⴰⴷⴷⵓⵔ ⵓⵜⵎⵍⵍⴰ ⴰⴳⵍⵍⵉⴷ ⵃⴰⵙⴰⵏ ⵡⵉⵙ ⵙⵉⵏ ⵙ ⵜⵎⵣⴳⵉⴷⴰ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ;

-  ⵉⵙⵎⴷ ⵜⴰⵖⵓⵔⵉ ⵏ ⵉⵎⵉⵔⵉⵜⵏ, ⴰⵎⵏⵣⵓ ⴷ ⵓⵙⵉⵏⴰⵏ ⴳ ⵓⵙⵉⵏⴰⴳ ⵏ ⵓⵎⵓⵣⵔ, ⵢⴰⵎⵥ ⵍⴱⴰⴽⴰⵍⵓⵕⵢⴰ ⴳ ⵡⴰⵢⵢⵓⵔ ⵏ ⵢⵓⵏⵢⵓ 1981;

- ⵉⴹⴼⴰⵕ ⵜⵉⵖⵓⵔⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⴳ ⵉⵣⵔⴼⴰⵏ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ, ⴷⵉ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ. ⵢⵓⵎⵥ ⴷ ⴳⵉⵙ ⴰⵙⵍⴽⵉⵏ ⵏ ⵍⵉⵙⴰⵏⵙ ⴳ ⵓⵙⴳⴳⵯⴰⵙ ⵏ 1985 ⴳ ⵉⵎⵔⵙⵉ: "ⵜⴰⵎⵓⵏⵉ ⵏ ⵡⴰⵄⵕⴰⴱⵏ ⴷ ⵉⴼⵔⵉⵇⵢⴰ ⴷ ⵜⵙⵜⵕⴰⵜⵉⵊⵉⵜ ⵏ ⵜⴳⵍⴷⵉⵜ ⴷ ⵢⵉⴳⵔ ⵏ ⵉⵎⵢⴰⵙⵙⴰⵜⵏ ⵉⴳⵔⴰⵖⵍⴰⵏⵏ";

- ⴳ ⵉⵙⴳⴳⵯⴰⵙⵏ ⵏ 1987 ⴷ 1988, ⵢⵓⵎⵥ ⵙ ⵜⴱⵖⵔⵜ ⵏ ⵙⵉⵏ ⵏ ⵉⵙⵍⴽⵉⵏⵏ ⵏ ⵜⵖⵓⵔⵉⵡⵉⵏ ⵜⵉⵏⴰⴼⵍⵍⴰⵜⵉⵏ  ⴳ ⵜⵎⴰⵙⵙⴰⵏⵉⵏ ⵜⵉⵙⵔⵜⴰⵜⵉⵏ ⴷ ⵓⵣⵔⴼ ⴰⴳⴷⵓⴷⴰⵏ;

- ⴷⵉ ⵡⴰⵙⵙ ⵏ 29 ⴽⵟⵓⴱⵕ 1993, ⵢⵓⵎⵥ ⴰⵍⵜⵓ ⵙ ⵓⵏⵍⵓⵎⵎⵜ ⴱⴰⵀⵔⴰ, ⴰⵙⵍⴽⵉⵏ ⵏ ⴷⴷⵓⴽⵜⵓⵕⴰ ⴳ ⵉⵣⵔⴼⴰⵏ ⵙⴳ ⵜⵙⴷⴰⵡⵉⵜ “ⵏⵉⵙ ⵚⵓⴼⵢⴰ - ⴰⵏⵜⵉⴱⵓⵍⵉⵙ” ⴳ ⴼⵕⴰⵏⵚⴰ, ⵙ ⵜⵎⵓⵇⴰⵏⵜ ⴳ ⵉⵎⵔⵙⵉ “ⴰⵎⵢⴰⵡⴰⵙ ⵏⴳⵔ ⵜⴳⵔⴱⴰⵣⵜ ⵏ ⵜⴳⵔⴰⵡⵜ ⵏ ⵓⵕⵓⴱⴱⴰ ⴷ ⵜⵎⵓⵏⵉ ⵏ ⵍⵎⵖⵔⵉⴱ ⴰⵄⵕⴰⴱ”;

- ⴳ 22 ⵢⵓⵏⵢⵓ 2000, ⵉⴽⵙⵉ ⴷⴷⵓⴽⵜⵓⵕⴰ ⵏ ⵓⴱⵓⵔⵣ ⵙⴳ ⵜⵙⴷⴰⵡⵉⵜ ⵏ “ⵊⵓⵕⵊ ⵡⴰⵛⵉⵏⵟⵓⵏ” ;

- ⵉⴼⴼⵓⵖ ⴷ ⵉ ⴱⴰⴱ ⵡⴰⴷⴷⵓⵔ ⵢⴰⵏ ⵏ ⵓⴷⵍⵉⵙ ⴷ ⵡⴰⵟⵟⴰⵚ ⵏ ⵉⵎⵏⵏⵉⵜⵏ ⴳ ⵓⵎⵢⴰⵡⴰⵙ ⵊⴰⵔ ⵓⵕⵓⴱⴱⴰ ⴷ ⵍⵎⵖⵔⵉⴱ ⴰⴽⵙⵡⴰⵜ;

- ⵉ ⵓⵙⵎⴰⴷ ⵏ ⵓⵙⵎⵓⵜⵜⴳ ⵏⵏⵙ ⴷ ⵜⵉⴷⴷⵉ ⵅⴼ ⵜⵙⵏⵙⵉ ⵏ ⵉⵎⵏⵣⴰⵢⵏ ⴷ ⵉⵍⵓⴳⵏⵏ ⵏ ⵓⵣⵔⴼ ⵉⵖⵔⴰ ⴳ ⵜⵖⵉⵡⴰⵏⵜ, ⵉⵣⵣⵔⵉ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵏ ⵓⵙⴰⵏⵓⵏ ⵏ ⵛⴰ ⵏ ⵢⵉⵔⵏ ⴳ ⵓⵙⴳⴳⵯⴰⵙ ⵏ 1988 ⴳ ⴱⵔⵓⴽⵙⵉⵍ ⴳ ⵓⴱⵔⵙⵉⵔⴰ ⵏ ⵎⴰⵙⵙ ⵊⴰⴽ ⴹⵓⵍⵓⵕ, ⵏⵏⵉ ⵉⴰⴳⴰⵏ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴳⵔⵓⵎⵎⴰⵡⵉⵏ ⵏ ⵓⵔⵓⴱⴱⴰ ⴳ ⵜⵎⵓⵏⵉ ⵏ ⵓⵔⵓⴱⴱⴰ ⴰⴽⵓⴷ ⴰⵏⵏ;

- ⵙⴳ ⵜⵄⵄⵓⵔⵎⴰ ⵏⵏⵙ, ⴰⴷ ⵉⵡⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵎⵏⵏⴰⵡⵜ ⵏ ⵜⵎⴰⵙⵙⴰⵢⵉⵏ ⵜⵉⵏⴰⵥⴰⵢⵉⵏ. ⴰⵛⴽⵓ ⵉⵙⵡⴰⵍⴰ ⵙ ⴰⴽⵓⴷ ⴰⵏⵏ ⴱⴰⴱⴰⵙ ⴰⴳⵍⵍⵉⴷ ⵃⴰⵙⴰⵏ ⵡⵉⵙ ⵙⵉⵏ ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙ, ⵜⵓⴳⵜ ⵏ ⵜⵙⵎⵉⴳⴰⵍⵉⵏ ⴳ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴷ ⵜⵉⵏ ⵉⵎⵓⵙⵍⵎⵏ ⴷ ⵜⵉⵏ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⵎⴰⵕⵕⴰ, ⴷⴰⵔ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⵙⵉⵎⵎⵉⵡⵏ ⴷ ⵉⵎⴷⴷⵓⴽⴽⴰⵍ;

- ⵜⴰⵙⵎⵉⴳⵍⵜ ⵜⴰⵎⴰⴷⴷⵓⴷⵜ ⵜⴰⵎⵣⵡⴰⵔⵓⵜ ⵏ ⴱⴰⴱ ⵏ ⵡⴰⴷⴷⵓⵔ ⴳ ⴱⵕⵕⴰ ⵏ ⵜⵎⴰⵣⵉⵔⵜ, ⵜⵍⵍⴰ ⴳ 6 ⵉⴱⵔⵉⵔ 1974, ⵖ ⵉⴳⵣⴰ ⵉⴳⵍⵍⵉⵏ ⵏ ⴱⴰⴱⴰⵙ, ⵙⵉⵏ ⴳ ⵓⵣⵎⵣⵣⵓ ⵏ ⵓⵙⴼⵓⴳⵍⵓ ⴰⵙⴳⴷⴰⵏ ⵉⵣⵔⵉⵏ ⴳ ⵜⴽⴰⵜⵉⴷⵕⴰⵍⵉⵜ " ⵏⵓⵟⵕ ⴹⴰⵎ ⴷⵓ ⴱⴰⴹⵉ",  ⵉⵥⵍⵉⵏ ⵙ ⵓⴽⵜⵜⴰⵢ ⵏ ⵜⵎⵜⵜⴰⵏⵜ ⵏ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵊⵓⵕⵊ ⴱⵓⵎⴱⵉⴷⵓ;

- ⴷⴼⴼⵉⵔ ⵏ ⵡⴰⵍⴰⵢ ⵏⵏⵙ ⵖⵔ ⵓⴷⴰⴱⵓ ⵏ ⵜⴳⵍⴷⵉⵜ, ⵉⵙⵡⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⵔⵣⴰⴼ ⵏⵏⵙ ⴰⵎⵣⵡⴰⵔⵓ ⵉ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⵄⵓⴷⵉⵜ ⴷ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵎⵓⵏⵏⵉⵏ ⴷ ⵜⵓⵏⵙ ⵊⴰⵔ ⵏ 25 ⴷ 28 ⴷⵓⵊⴰⵏⴱⵉⵔ 1999;

- ⵉⵙⵖⵓⴷⴰ ⴱⴰⴱ ⵏ ⵡⴰⴷⴷⵓⵔ ⵙ ⵡⴰⵡⴰⵍ ⴷ ⵜⵉⵔⵔⴰ ⵜⵓⵜⵍⴰⵢⵉⵏ ⵏ ⵜⴰⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ⴷ ⵜⵚⴱⴰⵍⵢⵓⵏⵉⵜ ⴷ ⵜⵏⴳⵍⵉⵣⵜ;

- ⵍⵍⴰ ⵉⵙⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⵎⵏⵏⴰⵡ ⵏ ⵉⵎⵓⵙⵙⵓⵜⵏ ⵉⵎⴰⵏⵓⵏⵏ.

ⴰⵍⴰⵢ ⵙ ⵓⴷⴰⴱⵓ:

- ⵢⵓⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵖⵔ ⵓⴷⴰⴱⵓ ⵏ ⵍⵎⵖⵔⵉⴱ ⴳ ⵡⴰⵙⵙ ⵏ 23 ⵢⵓⵍⵢⵓⵣ 1999, ⴷⴼⴼⵉⵔ ⵏ ⵎⴰ ⵢⴰⴼⵓⴹ ⵉⴳⵍⵍⵉⵏ ⵏ ⴱⴰⴱⴰⵙ ⵃⴰⵙⴰⵏ ⵡⵉⵙ ⵙⵉⵏ, ⵕⴱⴱⵉ ⴰⴷ ⵜ ⵉⵡⴰⵍⴰ ⵙ ⵜⵎⴰⵍⵍⴰ ⵏⵏⵙ. ⴰⵙⵙ ⴰⵏⵏ ⵏⵉⵜ ⴰⴷ ⴼⵍⵍⴰⵙ ⵉⵍⵍⴰ ⵓⵎⵙⴰⵙⴰ, ⴷⵉ ⵜⵎⵚⵕⵉⵢⵜ ⵏ ⵓⴷⴰⴱⵓ ⴳ ⵉⴱⵔⴳⵎⵎⵉ ⴰⴳⵍⴷⴰⵏ ⵖ ⵕⵕⴱⴰⵟ;

- ⴷⵉ 30 ⵢⵓⵍⵢⵓⵣ 1999, ⵉⵥⵥⵓⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⵜⴰⵥⴰⵍⵍⵉⵜ ⵜⵓⵏⵚⵉⴱⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ, ⵉⵡⵛ ⵉⵏⴰⵡ ⴰⵎⵣⵡⴰⵔⵓ ⵏ ⵓⴱⴰⴷⵓ.  ⴰⵙⴰⴽⵓⴷ, ⵉⴳⴰⵏ ⵓⵏⵚⵉⴱ ⵉ ⵓⵙⴼⴳⵍⵓ ⵙ ⵜⴼⵓⴳⵍⴰ ⵏ ⵓⴷⴰⴱⵓ;

- ⵉⵡⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⵜⴰⵙⵎⵉⴳⵍⵜ ⵏ ⵓⵎⵙⵏⴰⵢ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵏⴰⵔⴰ ⵜⴰⵎⴰⵜⴰⵢⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ;

- ⴳ ⵡⵓⵙⵙⴰⵏ ⵏ 12 ⴷ 13 ⴷ 14 ⵢⵓⵍⵢⵓⵣ 2002 ⴳ ⵉⴱⵔⴳⵎⵎⵉ ⴰⴳⵍⴷⴰⵏ ⴳ ⵕⵕⴱⴰⵟ, ⵜⴻⵜⵜⵓⵙⴽⴰⵔ ⵜⴼⵓⴳⵍⴰ ⵏ ⵢⵉⵡⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵙ ⵜⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ;

- ⴷⵉ 8 ⵎⴰⵢⵢⵓ 2003, ⵜⵍⵍⴰ ⵜⴰⵍⴰⵍⵉⵜ ⵏ ⵓⵎⴽⴽⵓⵙⵓ ⵏ ⵜⴳⵍⴷⵉⵜ, ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ  ⴳ ⵉⴱⵔⴳⵎⵎⵉ ⴰⴳⵍⴷⴰⵏ ⵖ ⵕⵕⴱⴰⵟ;

- ⴳ 28 ⴱⵕⴰⵢⵕ 2007, ⵜⵍⵍⴰ ⵜⴰⵍⴰⵍⵉⵜ ⵏ ⵍⴰⵍⵜ ⵏ ⵜⴳⵍⴷⵓⵏ ⵍⴰⵍⵍⴰ ⵅⴰⴷⵉⵊⴰ ⴳ ⵉⴱⵔⴳⵎⵎⵉ ⴰⴳⵍⴷⴰⵏ ⴳ ⵕⵕⴱⴰⵟ.