ⴰⵙⵙⴰⵢ

ⵉⵟⵟⴼ ⵍⵎⵖⵔⵉⴱ ⵜⵓⵚⴽⵉⵡⵜ ⵜⴰⵏⴰⴼⵍⵍⴰⵜ ⵏ ⵡⴰⵙⵙⴰⵢ ⵉⵡⴰⵍⴰⵏ ⴰⵎⵢⴰⵏⴰⵡ ⴷ ⵉⵎⵙⴰⵙⴰⵏ ⴷ ⵓⵙⴱⵓⵖⵍⵓ ⴰⵅⴰⵜⴰⵔ ⵏ ⵓⵙⵎⴰⵢⵏⵓ ⴷ ⵉⵣⵣⴰⵏ ⴳ ⵉⵙⴳⴳⵯⴰⵙⵏ ⴰⴷ ⴳⵓⵔⴰⵏⵉⵏ ⴳ ⵓⵏⵖⴰⵍ ⴷ ⵓⵙⵙⵖⵣⵉⴼ ⵏ ⵉⴱⵔⵉⴷⵏ ⴷ ⵉⴱⵔⴱⵔⵉⴷⵏ ⴷ ⵉⴱⵔⵉⴷⵏ ⵏ ⵡⵓⵣⵣⴰⵍ, ⴷ ⵡⴰⵙⵙⴰⵢ ⴰⵢⵍⴰⵏ ⴷ ⵓⵏⴹⴰⵕⵓⵏ.

ⵉⴳⴰ ⵢⵉⴳⵔ ⵏ ⵡⴰⵙⵙⴰⵢ ⴳ ⵉⴱⵔⵉⴷⵏ ⵙ ⴽⵓ ⵎⴰ ⵢⵓⵎⴰ ⵏ ⵡⴰⵙⵙⴰⵢ ⵏ ⵎⵉⴷⴷⵏ ⴷ ⵡⵉⵏ ⵜⵍⵣⴰⵣⵉⵏ ⵢⴰⵜ ⵏ ⵜⴰⴽⴽⴰⵍⵉⵏ ⵜⵉⴷⵙⵍⴰⵏⵉⵏ, ⵉⵜⵜⴰⵡⵙⵏ  ⵙ ⵓⵙⵔⵉⴷ ⴳ ⵉⵎⵓⵙⵙⵓⵜⵏ ⵏ ⵉⵏⵎⵓⵔⴰ ⴷ ⵜⵍⵣⴰⵣⵉⵏ ⴷ ⵓⴼⴰⵔⵙ ⴳ ⵜⴳⵎⵉ ⵏ ⵉⵙⵏⴼⴰⵍⵏ ⵉⵏⵙⴱⴰⴱⵏ  ⴳ ⵓⴳⵯⵏⵙ ⵏ ⵜⵎⴰⵣⵉⵔⵜ ⴷ ⴱⵕⵕⴰ ⵏⵏⵙ.

ⵙ ⵎⴰⵏⴰⵢⴰ, ⵉⴳⵔ ⵏ ⵡⴰⵙⵙⴰⵢ ⴳ ⵉⴱⵔⵉⴷⵏ ⴷ ⴰⵎⴰⵜⵜⴰⴳ ⵉ ⴽⵓ ⵉⵎⵙⵓⵔⴰⵙ ⵉⵣⴷⵉⵏ ⴷ ⵓⵔⴳⴳⵉⴳ ⴷ ⵓⵎⵢⴰⵡⴰⵙ ⴷ ⵡⴰⵍⴰⵢ ⴰⵙⴷⵎⵙⴰⵏ ⴷ ⵓⵙⵔⵜⴰⵏ. ⴰⵢⴰ ⴰⴼ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵡⵓⵔⵉ ⵏ ⵡⴰⵜⵜⵓⵢ ⵏ ⵉⵊⵎⵉⵍⵏ ⵏⵏⵙ ⴳ ⴽⵓ ⵎⴰ ⵉⵥⵍⵉⵏ ⵉⵜⵕⵡⵉ ⴷ ⵜⵏⴼⵔⵓⵜ ⵏ ⵉⴱⵔⴷⴰⵏ ⴷ ⵡⴰⵜⵉⴳ ⵏ ⵡⴰⵙⵙⴰⵢ.

ⵙ ⵓⵎⵉⴷⴰⴳ ⵏ ⵓⵣⴷⴰⵢ ⴰⵢⵍⴰⵏ ⵏ 2018, ⵉⵙⴽⵔ ⵡⴰⵙⵙⴰⵢ ⴰⵢⵍⴰⵏ ⴳ ⵍⵎⵖⵔⵉⴱ ⴰⵎⵣⵡⴰⵔⵓ ⴳ ⵉⴼⵔⵉⵇⵢⴰ ⴷ ⵡⵉⵙ ⵙⵉⵏ ⴳ ⵜⵎⵉⵣⴰⵔ ⵏ ⵡⴰⵄⵔⴰⴱⵏ. ⵉⴱⴷⴷ ⵓⵎⵉⴷⴰⴳ ⴰⴷ ⴰⵙⵏⴰⵍ ⵅⴼ ⵢⴰⵜ ⵏ ⵜⴳⵔⵓⵎⵎⴰ ⵏ ⵉⴼⵔⴷⴰⵙ ⴰⵎ ⴰⵎⴹⴰⵏ ⵏ ⵉⵖⵔⵔⵓⴱⴰ ⵉⵜⵜⴼⵖⵏ ⴷ ⵉⴽⵛⵛⵎⵏ ⵙⴳ ⵉⴼⵜⴰⵙⵏ ⵏ ⵍⵎⵖⵔⵉⴱ ⴷ ⵜⵉⵥⵥⵓⴹⵕⴰ ⵏ ⵜⴰⵡⵉⵜ ⵏ ⵉⴼⵏⵉⵇⵏ ⵏ ⵜⵍⵣⴰⵣⵉⵏ ⴷ ⵓⵎⴹⴰⵏ ⵏ ⵜⵓⵔⴼⵉⵏ ⵜⵉⵅⴰⵜⴰⵔⵉⵏ ⴷ ⵡⵉⵏ ⵜⵎⵙⵙⵓⵔⵉⵏⵢⴰⴽⴽⴰⵏ ⵉⵊⵎⵉⵍⵏ ⴳ ⵉⴼⵜⴰⵙⵏ ⴰⵏⵏ. ⵉⵊⵎⵉⵍⵏ ⴰⴷ, ⴰⴷ ⵉⵙⴽⵔⵏ ⴳ ⵉⴼⵜⴰⵙⵏ ⵏ ⵍⵎⵖⵔⵉⴱ ⵜⴰⵎⵙⵙⵉⵍⵉⵜ ⵜⴰⴷⴰⵎⵙⴰⵏⵜⴷ ⵉⵎⵙⴰⵙⴰⵏ ⴷ ⵓⵙⵏⵏⵎⴷⴰⵎⴰⴹⵍⴰⵏ, ⵉⵜⵜⴳⴳⵏ ⴳ ⵉⴼⵜⴰⵙⵏ ⴰⴷ ⵉⵙⵔⴰⵙ ⵉⴷⵙⵍⴰⵏⵏ ⵏ ⵉⴱⵔⴱⵔⵉⴷⵏ ⴰⵢⵍⴰⵏⵏ.

ⵉ ⵎⴰ ⵉⵥⵍⵉⵏ ⵉ ⵡⴰⵙⵙⴰⵢ ⴳ ⵜⴱⵔⴷⴰ ⵏ ⵡⵓⵣⵣⴰⵍ, ⵉⵙⵜⵉ ⵍⵎⵖⵔⵉⴱ ⴰⵙⵔⵔⵇⴱ ⵏ ⵡⴰⵙⵙⴰⵢ ⴰⵎⴳⵔⵓ ⴳ ⵉⵍⵍⴰ ⵓⵙⵎⵢⴰⵏⴰⵡ ⵏ ⴽⵓ ⵉⵏⴰⵡⵏ ⵏ ⵡⴰⵙⵙⴰⵢ ⵉⵟⵟⴼⵏ ⵜⵉⵣⵎⴰⵔ ⵏ ⵓⵙⴰⵜⵜⴰⵢ. ⵙ ⵎⴰⵏⴰⵢⴰ, ⵜⵙⴽⵔ ⵜⵎⵢⴰⴷⴰⵙⵜ ⴰⴷ ⴳ ⵡⴰⵙⵙⴰⵢ ⵏ ⵜⴱⵔⴷⴰ ⵏ ⵡⵓⵣⵣⴰⵍ ⴰⵎⵙⴰⵔⴰⵙ ⴰⵏⴳⵎⵓ ⴰⴽⵙⵡⴰⵜ. ⴰⵔ ⵏⵏ ⵏⵜⵜⴰⴼⴰ ⵎⴰⵢⴰ ⴳ ⵜⵡⵓⵔⵉⵡⵉⵏ ⵏ ⵓⵙⵎⴰⵢⵏⵓ ⴷⵓⵙⵜⵔⴰⵔ ⵏ ⵢⵉⴳⵔ ⴰⴷ ⴷ ⵉⵙⵙⵉⵔⵉⵡ ⵏ ⵓⵥⵟⵟⴰ ⵏⵏⵙ ⵉⵜⵜⵓⵙⵎⴰⴷⵏ ⵙ ⵓⴼⵓⵖ ⵏ ⵓⵍⴰⵡⴰⵢ “ⵍⴱⵓⵕⴰⵇ” ⵏ ⵓⵙⵙⵉⴳⵜ ⵏ ⵜⴰⵣⵣⵍⴰ ⵏⴳⵔ ⵟⴰⵏⵊⴰ ⴷ ⴹⴹⴰⵕⵍⴱⵉⴹⴰ.

ⵎⴽ ⵍⵍⵉ ⵉⵙⵙⵏ ⵡⴰⵙⵙⴰⵢ ⴰⵏⴹⴰⵕⵓⵏⴳ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⵜⵓⴳⵜ ⵏ ⵉⵙⵏⴼⴰⵍⵏ ⵉⵅⴰⵜⴰⵔⵏ ⵉⵙⵡⴰⵍⴰⵏ ⴰⴱⵓⵔⵣ ⵉⵜⵥⵍⴰⵢⵉⵏ ⵏ ⴽⵓ ⵜⵉⵎⵏⴰⴹⵉⵏ ⴷ ⵉⴳⴰⴷⴰⵣⵏⵜⵜⵖⴰⵡⴰⵍ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⴰⴷ. ⵉⵡⵉⵏ ⴷ ⵉⵙⵏⴼⴰⵍⵏ ⴳ ⵉⴳⵔ ⴰⴷ ⴰⵙⵔⵓⵙ ⵏⵉⵣⵔⵉⴳⵏ ⵉⵜⵔⴰⵔⵏ ⴷ ⵢⵓⵙⴰⵏ ⴷ ⵜⵡⵏⴰⵖⵉⵏ ⵏ ⵜⵙⵖⵏⵣⵉⵜ ⵏ ⵓⵙⴽⴰⵏ ⴰⵎⵖⵔⵉⴱⵉ ⴷ ⵓⵎⴹⴼⵕ ⵏ ⴽⵓ ⵉⵙⴱⴷⴰⴷⵏ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ, ⵙ ⵓⵙⵓⵜⴳ ⵏ ⵉⵎⵙⵓⵔⴰⵙ ⵉⵕⵥⵎ ⵍⵎⵖⵔⵉⴱ ⵙ ⵓⵙⴷⵔⴼⵉ ⵏⵏⵙ ⵉ ⵜⵎⵢⴰⵇⵇⴰⵏⵉⵏ ⵏ ⵜⵎⵙⴰⴼⴳⴰ ⵜⴰⵏⴹⴰⵕⵓⵏⵜ ⵏⵖ ⴰⵙⵔⵓⵙ ⵏⵖ ⴰⵙⵎⴰⵢⵏⵓ ⵏ ⵜⵎⵢⴰⵇⵇⴰⵏⵉⵏ ⵉⴱⴱⵉ ⴷ ⵜⵓⴳⵜ ⵏ ⵜⵎⵉⵣⴰⵔ. ⵓⵏⵛⵜ ⴰⵏⵏ, ⴰⴼ ⴰⵔ ⵏⵏ ⵏⵜⵜⴰⴼⴰ ⵜⵉⵢⴰⴼⵓⵜⵉⵏ ⵏ ⵜⵡⵓⵔⵉ ⴰⴷ ⴳ ⵓⵙⴳⴷⵓⴷⵉ ⵏ ⵓⵙⵏⴳⴰⵔ ⵏ ⵓⵙⴷⵔⴼⵉ ⴷ ⵓⵙⴷⵓⵙ ⵏ ⵉⵊⵎⵉⵍⵏ ⴷ ⵎⴰⴷ ⴰⵙⵏ ⴷ ⵉⴳⵓⵔⴰⵏ ⵏ ⵜⵓⵙⵓⵔⵜ ⵅⴼ ⵉⵎⵓⵙⵙⵓⵜⵏ ⴷ ⵓⵙⴱⵓⵖⵍⵓ ⵏ ⵡⴰⵙⵙⴰⵢ ⴰⵏⴹⴰⵕⵓⵏ ⴰⵎⵖⵔⵉⴱⵉ.

ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⵉⵣⴷⴰⵢⵏ ⴰⴷ:

- ⵜⴰⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ ⴷ ⵡⴰⵎⴰⵏ

- ⵉⵣⵔⵉⴳⵏ ⵉⴳⵍⴷⴰⵏⵏ ⵉⵎⵖⵔⵉⴱⵉⵢⵏ

- ⴰⵙⵉⵔⴰ ⴰⵏⴰⵎⵓⵔ ⵏ ⵉⵣⴰⴳⵯⵣⵏ

- ⴰⵙⵉⵔⴰ ⴰⵏⴰⵎⵓⵔ ⵏ ⵜⴱⵔⴷⴰ ⵏ ⵡⵓⵣⵣⴰⵍ

- ⵜⴰⵎⵙⵙⵓⵔⵜ ⵜⴰⵏⴰⵎⵓⵔⵜ ⵏ ⵉⴱⵔⴱⵔⵉⴷⵏ

- ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵉ ⵜⵏⴼⵔⵓⵜ ⵜⴰⴱⵔⴷⴰⵏⵜ

- ⵙⴰⵜⵢⴰⵎ: ⵜⴰⵎⵙⵙⵓⵔⵜ ⵜⴰⵎⵖⵔⵉⴱⵉⵢⵜ ⵉ ⵡⴰⵙⵙⴰⵢ ⵏ ⵉⵏⵎⵓⴷⴷⴰ ⴷ ⵜⵎⴰⵍⵍⴰⵢⵜ ⴷ ⵜⵎⵢⴰⵣⴰⵏⵉⵏ.