ⴰⵖⴰⵡⴰⵙ ⴰⵏⵉⵍⵉ

ⴳ ⵎⴰ ⵉⵡⴰⵍⴰⵏ ⴰⵙⵓⵜⴳ ⵏ ⵓⵙⵖⵔⵜ ⵙ ⵉⵍⴰ ⵍⵎⵖⵔⵉⴱ ⵚⴰⵃⴰ ⴳ ⵢⵉⴳⵔ ⵏ ⵜⵎⴰⵍⵍⴰⵢⵜ, ⴼⴼⵓⵖⵏⵜ ⵉⴷ ⵎⵏⵏⴰⵡⵜ ⵏ ⵜⵙⵏⵜⴰⵢⵉⵏ ⵉⵟⵟⴰⴼⵏ ⴰⵜⵉⴳ ⵢⴰⵜⵜⵓⵢⵏ. ⵙⵡⵓⵜⵜⵓⵙⵏⵜ ⵜⵙⵏⵜⴰⵢⵉⵏ ⴰⴷ, ⴰⴷ ⵜⴳ ⵜⵎⴰⵍⵍⴰⵢⵜ ⵜⴰⵏⵏⴰⵍⵜ ⵜⴰⴷⵙⵍⴰⵏⵜ ⵉ ⵜⴷⵎⵙⴰ ⵜⴰⵏⴰⵎⵓⵔⵜ, ⵉⴳ ⵓⵖⴰⵡⴰⵙ ⴰⵏⵉⵍⵉ ⵢⴰⵏ ⵏⵏⵙⵏⵜ, ⵏⵜⵜⴰⵏ ⴰⴽⴷ ⵜⵎⵥⵕⴰ ⵏ 2020 ⴷ ⵜⵓⴳⵉ ⵏ ⵜⵡⵉⵍⴰ ⵜⴰⵎⵖⵔⵉⴱⵉⵜ  ⵏ ⵓⵙⵙⴰⵔⵓ  ⴳ ⵜⵎⴰⵍⵍⴰⵢⵜ.


ⴰⵙⵏⴰⵍ ⵏ ⵓⵖⴰⵡⴰⵙ ⵏ ⵜⵎⴰⵍⵍⴰⵢⵜ “ ⴰⵖⴰⵡⴰⵙ ⴰⵏⵉⵍⵉ 2020” ⵅⴼ ⵓⵔⵎⵎⵓⵙ ⵏ ⵉⵙⵔⴰⵙ ⵏ ⵜⵖⴰⵔⵉⵏ ⵏ ⵢⵉⵍⵍ ⵓⵙⵉⴷⴼⵏ “ⴰⵎⵉⵖⵉⵙⵏ” ⴰⴷ ⴳⵉⵙ ⵉⵙⴽⵔⵏ ⴰⵖⴰⵡⴰⵙ ⵉⵙⵡⵓⵜⵜⵓⵙⵏ ⴰⵣⵣⵔⴰⵢ ⵏⵓⵎⵢⴰⵙ ⵉ ⵜⵎⴰⵍⵍⴰⵢⵜ ⵏ ⵢⵉⴳⵔ ⴰⴷⴳ ⵓⵎⵏⵉⴷ ⵏ ⵓⵙⴽⴽⵉⵔ ⵏ ⵓⵙⴽⴰⵏ ⵏ ⵜⵖⴰⵔⵉⵏ ⵏ ⵢⵉⵍⵍ ⴰⵎⵖⵔⵉⴱⵉ, ⵉⵟⵟⴼⵏ ⴰⵎⵣⵉⵣⵡⵔ ⴳ ⵓⵎⴰⴹⴰⵍ ⵎⴰⵕⵕⴰ. ⵎⴽ ⵍⵍⵉ ⵉⵜⵜⵖⴰⵡⴰⵍ ⴰⵙⵎⴰⴷ ⵏ ⴽⵓ ⵉⵙⵖⵏⵓⵜⵏ ⵏ ⵉⵙⵔⴰⵙ ⵏ ⵜⵖⴰⵔⵉⵏ ⴷ ⵡⴰⵍⵍⴰⵙ ⵏ ⵜⵎⵔⵙⴰ ⵏⵏⵙⵏⵜ, ⴰⴼⴰⴷ ⵉⴱⵓⵖⵍⵓ ⵓⵙⴽⴰⵏ ⵏ ⵡⵓⵔⴰⵔ ⴷ ⵓⵛⵓⵛⴼ ⵙ ⵜⵎⴷⵔⴰⵡⵜ ⴷ ⵜⵎⵙⴰⵙⵉⵜ ⴰⴽⴷ ⵎⴰ ⵉⵥⵍⵉⵏ ⵉ ⵜⴳⵎⴰⵏⵜ ⴷ ⵜⵡⵓⵏⵏⴰⴹⵜ ⵏ ⵉⵙⵔⴰⵙ ⵉⵎⵖⵔⵉⴱⵉⵢⵏ ⵉⵍⵍⴰⵏ ⴳ ⵜⵖⴰⵔⵉⵏ ⵏ ⵢⵉⵍⵍ.


ⵎⴽ ⵍⵍⵉ ⵉⵙⵡⵓⵜⵜⵓⵙ ⵓⵖⴰⵡⴰⵙ ⴰⵏⵉⵍⵉ ⴰⵍⵍⴰⵙ ⵏ ⵜⵎⵔⵙⴰ ⴷ ⵓⵙⵎⴰⴷ ⵏ ⵉⵙⵔⴰⵙ ⵉⵏⵏⵓⵕⵥⵎⵏ ⴳ ⵎⵏⵏⴰⵡⵜ ⵏ ⵜⵎⵏⴰⴹⵉⵏ, ⵣⵓⵏ ⴷ ⵙⵙⵄⵉⴷⵢⴰ ⴷ ⵍⵉⴽⵙⵓⵙ ⴷ ⵜⵖⴰⵣⵓⵜ..., ⴷ ⵓⵏⴼⴰⵍⴰⵍ ⵏ ⵓⵙⴽⴰⵏ ⵏ ⵜⵎⴰⵍⵍⴰⵢⵜ ⴳ ⵉⵙⵔⴰⵙ ⵉⵜⵔⴰⵔⵏ, ⴷ ⵜⵉⴽⴽⵉ ⵏ ⵓⴷⵖⴰⵔ ⴰⵎⴰⴼⴰⵢ ⴰⵙⵓⵍⴰⵏ ⵉ ⵉⵙⵔⴰⵙ ⴰⴷ, ⴰⴽⴷ ⵏ ⵓⵎⵉⵥ ⴰⵎⵥⵍⴰⵏ ⵏ ⵓⴳⴰⴷⴰⵣ, ⴷ ⵜⵎⵓⵏⵜ ⵏ ⴰⵢⵉⵏⵏⴰ ⵙ ⵓⵙⵡⵓⴷⴷⵓ ⴳ ⵢⵉⴳⵔⴰⵏ ⵢⴰⴹⵏⵉⵏ, ⴰⵎ ⵡⵉⵏ ⵡⴰⵙⵙⴰⵢ ⴰⵏⴹⴰⵕⵓ ⴷ ⵡⵉⵏ ⵓⵙⵎⵓⵜⵜⴳ ⴷ ⵡⵉⵏ ⵓⵙⴳⴷⵣ.... ⴽⵓ ⵎⴰⵢⴰ, ⵙ ⵡⴰⵡⵜⵜⴰⵙ ⵏ ⵓⵙⵎⴰⴷ ⵏ ⵓⵎⵙⴰⵔⴰⵙ ⵏ ⵜⵎⴰⵍⵍⴰⵢⵜ ⴷ ⵓⵙⴽⴽⵉⵔ ⵏⵏⵙ ⵏ ⵢⴰⵏ ⵏ  ⵢⵉⴳⵔ ⵉⵍⴰⵏ ⵓⴳⴳⴰⵔ ⵏ ⵜⵉⵏⵏⵓⵣⵖⴰ ⴷ ⵓⵎⵣⵉⵣⵡⵔ.


ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⴰⵙⵉⵜ ⴰⴷ:

ⵜⴰⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵡⴰⵙⵙⴰⵢ ⴰⵏⴹⴰⵕⵓ  ⴷ ⵜⵏⵉⴹⵉ  ⴷ ⵜⴷⵎⵙⴰ ⵜⴰⵏⴰⵎⵓⵏⵜ