ⴳ ⵍⵎⵖⵔⵉⴱ, ⵉⴳⴰ ⵓⵏⴳⵔⴰⵡ ⵏ ⵓⵙⵎⴷⵍ ⴰⴷⵓⵙⴰⵏ (ⵕⴰⵎⵉⴷ) ⵢⴰⵏ ⴳ ⵉⴼⵔⴷⵉⵙⵏ ⵉⴷⵙⵍⴰⵏⵏ ⵉⵜⵙⵔⵜⴰⵏⵏ ⵏ ⵜⴳⵎⵉ ⵜⴰⵏⴰⵎⵓⵏⵜ. ⵉⵜⵜⵔⵙ ⵓⵏⴳⵔⴰⵡ ⴰ ⵡⴰⵏⵉⵜⵉⵏ ⵅⴼ ⵜⵔⵙⴰⵍ ⵏ ⵉⵎⵏⵣⴰⵢⵏ ⵏ ⵜⵡⵉⵙⵉ ⵜⴰⵏⴰⵎⵓⵔⵜ, ⴷ ⵉⵙⴽⵉⵍ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵓⵡⵉⴷⵉ ⵏ ⵜⵡⵏⵣⵡⵉⵏ, ⴷ ⵓⵙⵙⵓⵀⵏ ⵏ ⵡⴰⴷⴰⴼ ⵖⵔ ⵓⵙⵙⵓⵊⵉ ⵙ ⵓⵡⵉⴷⵉ ⵉ ⴽⴰ ⵉⴳⴰ ⵜ ⵉⵙⵎⵉⵍⵏ ⵉⵏⴰⵎⵓⵏⵏ ⵙ ⴳⴰⵔ ⴰⵏⵓⵃⵢⵓ.
ⵉⵏⵏⵓⵕⵣⵎ ⵓⵏⴳⵔⴰⵡ (ⵕⴰⵎⵉⴷ) ⴷⵉ ⵏⵓⵡⴰⵏⴱⵉⵔ 2008, ⵉⴳ ⴰⴽⵓⴷ ⵏⵏⵉ ⵉⵔⵉⵎ ⵓⵣⵓⵔⵜ ⴳ ⵜⵎⵏⴰⴹⵜ ⵏ ⵜⴰⴷⵍⴰ ⴰⵣⵉⵍⴰⵍ. ⵉⵙⵡⵓⵜⵜⵓⵙ ⵉⵔⵉⵎ ⴰ ⴰⵙⵎⵉⵍ ⵏ ⵉⵎⵣⴷⴰⵖⵏ ⵉⵍⵍⴰⵏ ⵖ ⴳⴰⵔ ⴰⵙⵓⵔⵙ ⵏ ⵍⴰⵢⵜ ⴷ ⵓⴽⵓⴽⴹ ⴳ ⵜⴰⵎⴰ ⵏ ⵡⵉⵏ ⵎⵉⴷⴷⵏ ⵎⵉ ⵉⵜⵜⵚⴰⵃⴰ ⵓⵊⵎⵉⵍ ⴰⴷ ⵙ ⵓⵣⵔⴼ. ⵢⵓⵎⴰ ⵓⵙⵎⵉⵍ ⴷⴷⵖ ⵉⴳⴳⵓⵔⴰⵏ ⵉⵃⴱⴱⴰⵙⵏ ⴷ ⵉⴷ ⵡⴰⵔ ⴰⵣⴷⴷⵓⵖ ⵉⵣⴳⴰⵏ ⴷ ⵉⵎⴳⴳⵯⴰⵣ ⵏ ⵜⵎⵔⵙⴰⵍ ⵏ ⵜⵡⵓⵍⵍⵓⵖⵜ ⴷ ⵡⵉⵏ ⵜⴰⴷⴷⴰⵔⵉⵏ ⵏ ⵉⴳⵉⴳⵉⵍⵏ ⴷ ⵡⵉⵏⵉⵙⵏⴼⵉⵜⵏ.
ⵙ ⵎⴰⴷ ⴷ ⵉⴽⵙⵉ (ⵕⴰⵎⵉⴷ), ⵉⵚⴰⵃⴰ ⵡⴰⴷⴰⴼ ⴱⴰⵟⵍ ⵉ ⴽⵓ ⵉⵙⵎⵉⵍⵏ ⴰⴷ ⵅⴼ ⵏⵙⴰⵡⵍ ⵙ ⵉⵙⴳⵏⴰⴼⵏ ⵉⴳⴷⵓⴷⴰⵏⵏ, ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵜⵉⴷⵓⵙⴰⵏⵉⵏ, ⴷ ⴽⵓ ⵜⵉⵣⵓⵏⵉⵏ ⵉⴹⴼⵕⵏ ⵉ ⵓⵡⴰⵏⴽ, ⴱⵍⴰ ⵉⵙⵏⵓⵃⵢⵓⵜⵏ ⵏ ⵡⴰⵡⵜⴰⵢ ⵏⵉⵖ ⵡⵉⵏ ⵜⵡⵙⵉⵜ ⵏⵖ ⵡⵉⵏ ⵉⵏⴰⵡⵏ ⵏ ⵡⴰⵟⵟⴰⵏ ⵏⵖ ⵡⵉⵏ ⵜⵎⵏⴰⴹⵉⵏ ⵏ ⵜⵣⴷⵓⵖⵜ.
ⵉ ⵓⵙⵎⵀⵍ ⵏ ⵓⵏⴳⵔⴰⵡ ⴰ ⵏ ⵜⴱⴷⴰⴷⵜ ⵜⴰⴷⵓⵙⴰⵏⵜ, ⵜⴹⴼⵕ ⵜⵎⴰⵡⴰⵙⵜ ⵏ ⵜⴷⵓⵙⵉ ⵉⵛⵜ ⵏ ⵜⴳⵔⵓⵎⵎⴰ ⵏ ⵉⵙⵡⵓⴷⴷⵓⵜⵏ ⵉⵙⵡⵓⵜⵜⵓⵙⵏ ⴰⵙⵀⵡⵏ ⵏ ⵡⴰⴷⴰⴼ ⵙ ⵓⵙⵙⵓⵊⵢ ⴷ ⵉⵊⵎⵉⵍⵏ ⵉⵙⴳⵏⴰⴼⵏ ⵉ ⵉⵙⵎⵉⵍⵏ ⵏ ⵉⵎⵣⴷⴰⵖⵏ, ⵉⵍⵍⴰⵏ ⵖ ⴳⴰⵔ ⵓⵙⵓⵔⵙ ⵏ ⵍⴰⵢⵜ. ⵎⴽ ⵍⵍⵉ ⵜⵜⴰⵡⵙ ⵜⵎⴰⵡⴰⵙⵜ ⵅⴼ ⵜⵉⵍⵉⵜ ⵏ ⵜⵏⴼⵔⵓⵜ ⵏ ⴱⵟⵟⵓ ⵙ ⵓⵙⵓⵎⵓ ⵏ ⵉⵊⵎⵉⵍⵏ ⵉⵙⴳⵏⴰⴼⵏ ⴷⵉ ⵍⵎⵖⵔⵉⴱ ⵎⴰⵕⵕⴰ, ⵜⵉⵎⴷⵉⵏⵉⵏ ⴷ ⵉⴼⴰⵔⴰⵏ, ⵙ ⵍⴰⵡⴰⵏ ⴰⴽⴽⵯ ⴳ ⵎⴰ ⵉⵥⵍⵉⵏ ⵙ ⵜⵏⴼⵔⵓⵜ ⵏ ⵓⵙⵓⴳⴷⵓ ⵏ ⵓⵙⵎⴽⵍ ⵏ ⴽⵔⴰ ⵏ ⵜⵎⵓⴹⴰⵏ ⵜⵉⵎⵣⵔⴰⵢⵉⵏ, ⴰⵎⵎ ⵜⵎⴰⴹⵓⵏⵜ ⵏ ⵙⵙⴽⵯⴰⵕ ⴷ ⵜⵉⵏ ⵚⵚⴰⵕⴰⵟⴰⵏ ⴷ ⵜⵉⵏ ⵜⴳⵥⵥⴰⵍ ⴷ ⵜⵉⵏ ⵡⵓⵍ, ⴷ ⵉⵥⵓⵕⴰⵏ ⵏⵏⵙ, ⴷ ⵜⵉⵏ ⵜⴷⵓⵙⵉ ⵏ ⵡⴰⵏⵍⵍⵉ.