ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ ⴷ ⴰⵙⵖⵏⵓ ⴰⵏⴳⵎⵓ ⵉⵡⴰⵍⴰⵏ ⴰⵏⵏⵓⵕⵥⵎ ⴰⵎⴰⴷⴷⵓⴷ ⴳ ⵜⴳⵉⵔⴰ ⵏ ⵢⵉⵏⴰⵡ ⴰⴳⵍⴰⴷⴰⵏ ⴳ18 ⵎⴰⵢⵢⵓ 2005. ⵉⵙⵡⵓⵜⵜⵓⵙ ⵓⵖⴰⵡⴰⵙ ⴰⴷ ⴰⵙⴼⴰⵍⴽⵉ ⵏ ⵉⵙⵓⵔⵙⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵉⵙⵎⵉⵍⵏ ⵉⵎⵥⵍⴰⴹ ⴷⵡⵉⵏ ⵓⵙⵙⵉⵏⴼ ⴰⵏⴰⵎⵓⵏ ... ⵉⵙⴽⵔ ⴳ ⵓⵏⵎⵓⵔⵉ ⴰⵎⵖⵔⵉⴱⵉ ⵜⴰⵔⵙⵍⵜ ⵏ ⵓⵎⵙⴰⵔⴰⵙ ⴰⵏⴳⵎⵓ. ⴰⵢⴰ, ⵙ ⵓⵎⵉⵥ ⵏ ⵜⵖⴰⵔⴰⵙⵜ ⵜⴰⵏⵎⴰⵍⴰⵏⵜ ⵉⵥⵍⵉⵏ, ⵉⴱⴷⴷⵏ ⵅⴼ ⵓⵙⵉⴷⴼ ⴷ ⵜⵎⴷⵔⴰⵡⵜ.
ⵜⵙⵡⵓⵜⵜⵓⵙ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ ⴰⵙⵍⴰⵃ ⵏ ⵓⵥⵍⴰⴹ ⴷ ⵍⴰⵢⵜ ⴷ ⵓⵙⵙⵉⵏⵉⴼ ⴰⵏⴰⵎⵓⵏ, ⵎⴽ ⵍⵍⵉ ⵜⵡⴰⵍⴰ ⵜⵉⵡⵉⵙⵉ ⵉ ⵉⵏⵎⵓⵔⴰⵏ ⵉⵜⵜⵔⵏ ⴰⵙⴷⵓⵙ ⴳ ⵡⴰⵙⵉⴷⴷ ⵏ ⵡⴰⵙⵙⴰⵔⵏ ⴷ ⵜⵓⵜⵜⵔⴰ ⵏⵏⵙⵏ ⴷ ⵓⵙⵎⴰⴷ ⵏⵏⵙⵏ, ⴷ ⵎⴰ ⵢⵓⴼⴰⵏ ⵙ ⵓⵏⴱⴰⴹ ⵉⵀⵉⵢⵢⴰⵏ ⴰⴽⴷ ⵜⵎⴷⵔⴰⵡⵜ ⵏ ⴽⵓ ⵉⵎⵙⴽⴰⵔⵏ ⴳ ⵜⴳⵎⵉ ⴷ ⴳⵢⵉⵎⵥ ⵏ ⵜⵖⵜⴰⵙⵜ.
ⵢⵓⵎⴰ ⵓⵙⴳⵓⵎ ⴰⵎⵣⵡⴰⵔⵓ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ (2005-2010) ⴽⴽⵓⵥ ⵏ ⵉⵖⴰⵡⴰⵙⵏ ⵉⵙⵡⵓⵜⵜⵓⵙⵏ ⵎⵏⵏⴰⵡ ⵏ ⵉⵙⵎⵉⵍⵏⵉⵏⴰⵎⵓⵏⵏ ⵙ ⵓⵏⵏⵓⵕⵥⵎ ⵏ ⵓⵖⴰⵡⴰⵙ ⵏ ⵓⵙⵍⴰⵃ ⵏ ⵓⵥⵍⴰⴹ ⴳ ⵡⴰⵎⵎⴰⵙ ⴰⴼⴰⵔⴰⵏ, ⴷ ⵓⵖⴰⵡⴰⵙ ⵏ ⵓⵙⵍⴰⵃ ⵏ ⵓⵙⵙⵉⵏⵉⴼ ⴰⵏⵎⵓⵏ ⴳ ⵡⴰⵎⵎⴰⵙ ⴰⵖⵔⵎⴰⵏ, ⴷ ⵓⵖⵡⴰⵙ ⵏ ⵎⴳⴰⵍ ⵍⴰⵢⵜ ⴷ ⵎⴰ ⵢⵓⴼⴰⵏ ⴳ ⵓⵖⴰⵡⴰⵙ ⵢⴰⴹⵏⵉⵏ ⵉⵥⵍⵉⵏ ⵎⴰⵕⵕⴰ ⵉ ⵜⵎⴳⵔⴰⵡⵉⵏ ⵜⵉⴼⴰⵔⴰⵏⵉⵏ ⴷ ⵜⵖⵔⵎⴰⵏⵉⵏ ⵓⵔ ⵙⵡⵓⵜⵜⵙⵏ ⵉⵖⴰⵡⴰⵙⵏ ⴰⴷ ⵅⴼ ⵏⵙⴰⵡⵍ.
ⴰⵙⴳⵓⵎ ⵡⵉⵙⵙ ⵙⵉⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ (2011-2015), ⵉⵙⵎⴷ ⴰⴷⵃⵃⵓⵢ ⵉⴷⵓⵙⵏ ⵉ ⵜⵙⵏⵜⴰⵢⵜ. ⴰⵔ ⵏⵏ ⵏⵜⵜⴰⴼⴰ ⵎⴰⵢⴰ ⴳ ⵓⵙⴳⴷⵓⴷⵉ ⵏ ⵜⵏⵜⵜⴰⵍⵜ ⵜⴰⵥⵕⴼⴰⵏⵜ ⴰⵙ ⵉⵥⵍⵉⵏ, ⵎⴽ ⵍⵍⵉ ⵉⵙⵎⴷ ⴰⵙⵡⵓⵜⵜⵙ ⵏ ⵜⵎⵉⴹⴰ ⵏ ⵜⵎⴳⵔⴰⵡⵉⵏ ⵜⵉⴼⴰⵔⴰⵏⵉⵏ ⴷ ⵜⵓⴷⴷⵓⵔⵉⵏ ⵜⵉⵖⵔⵎⴰⵏⵉⵏ ⵜⵉⵎⵥⵍⴰⴹ, ⴷ ⵎⵍⵢⵓⵏ ⵏ ⵉⵎⵏⴼⵓⵢⵏ ⵉⵣⴷⵖⵏ ⴳ 3300 ⵏ ⵓⴹⵡⵡⴰⵕ ⴳ 22 ⵏ ⵜⵙⴳⵉⵡⵉⵏ ⵉⵡⴰⵍⴰⵏ ⴰⵥⵍⴰⵢ ⵏⵖ ⴳ ⵉⴷⵓⵔⴰⵔ.
ⴰⵙⴳⵓⵎ ⵡⵉⵙⵙ ⴽⵕⴰⴹ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ (2019-2023), ⵉⵕⵣⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⵙⵙ ⵏ ⵓⴽⵕⴰⵙ19 ⵛⵓⵜⴰⵏⴱⵉⵔ 2018, ⵢⵓⵛⴽⴰ ⴷ ⵉ ⵓⵙⴷⵓⵙ ⵏ ⵓⵎⵎⵉⵥⵏ ⵉⵜⵜⵓⵙⵎⴰⴷⵏ ⴳ ⵉⵙⵓⴳⴰⵎ ⵣⵔⵉⵏⵉⵏ. ⵢⵓⵎⴰ ⵓⵙⵓⴳⴰⵎ ⴰⴷ ⴽⴽⵓⵥ ⵏ ⵉⵖⴰⵡⴰⵙⵏ:
- ⴰⵎⵣⵡⴰⵔⵓ, ⴷ ⴰⵙⵓⵖⴷ ⵏ ⵓⵙⴰⵔ ⵉⵍⵍⴰⵏ ⴳ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵉⵊⵎⵉⵍⵏ ⵉⴷⵙⵍⴰⵏⵏ ⴳ ⵉⴳⵔⴰⵏ ⵉⴷⵖⵔⴰⵏⵏ ⴳ ⵉⴷⵔⵓⵙ ⵓⵎⴰⵡⴰ, ⴰⴼⴰⴷ ⵉⵜⵜⵓⴼⵙⴰⵢ ⵓⵥⵍⴰⵢ, ⵢⵉⵍⵉ ⵓⵙⴼⴰⵍⴽⴰⵢ ⵏ ⵉⵙⵓⵔⴰⵙ ⵙⵓⵙⵢⵓ ⴰⴷⵎⵙⴰⵏ ⵏ ⵉⵙⵎⵉⵍⵏ ⵏ ⵉⵎⵥⵍⴰⴹ;
- ⵡⵉⵙⵙ ⵙⵉⵏ ⵏ ⵉⵖⴰⵡⴰⵙⵏ, ⵉⵙⵡⵓⵜⵜⵓⵙ ⴰⵙⵏⴰⵍ ⵏ ⵎⵉⴷⴷⵏ ⵉⵍⵍⴰⵏ ⴳ ⴳⴰⵔ ⴰⴷⴷⴰⴷ ⵉⵀⵔⵛⵏ ⵙ ⵓⵙⵎⵉⴳⵍ ⴷ ⵡⴰⵍⵍⴰⵙ ⵏ ⵓⵙⵉⴷⴼ ⵏⵏⵙⵏ ;
- ⴰⵖⴰⵡⴰⵙ ⵡⵉⵙⵙ ⴽⵕⴰⴹ, ⵉⵙⵙⵉⵜⵎ ⴰⴷ ⵉⵙⴼⴰⵍⴽⵉ ⴰⵙⵉⴷⴼ ⴰⴷⵎⵙⴰⵏ ⵏ ⵉⵄⵔⵔⵉⵎⵏ ⵙ ⵓⵎⴹⴼⵕ ⵏ ⵜⵎⵢⴰⴷⴰⵙⵜ ⵜⴰⴷⵖⵔⴰⵏⵜ ⵉⵜⵜⴰⵡⵙⵏ ⴳ ⵓⵙⴱⵓⵖⵍⵓ ⵏ ⵡⴰⵢⴷⴰ ⴰⴷⵖⵔⴰⵏ ;
- ⴰⵖⴰⵡⴰⵙ ⵡⵉⵙⵙ ⴽⴽⵓⵥ, ⴷ ⵏⵜⵜⴰⵏ ⵉⵙⵡⵓⵜⵜⵓⵙ ⴰⵙⴷⵓⵙ ⵏ ⵜⴳⵎⵉ ⵜⴰⵏⴼⴳⴰⵏⵜ ⵉ ⵜⵙⵓⵜⵉⵏ ⴷ ⵢⵉⵡⵏⵏ ⵙ ⵓⵙⵙⴰⵔⵓ ⵏ ⵓⴷⴳⴰⵔ ⴰⵏⴼⴳⴰⵏ.
ⵉ ⵓⴳⴳⴰⵔ ⵏ ⵓⵎⵍⴰⵏ, ⴰⴳⴳⵯⴰⵜ ⵏⵏ ⴰⵙⵉⵜ ⴰⴷ: