ⵜⵉⵏⵓⴼⴰ ⵜⵉⵍⵉⴽⵟⵕⵓⵏⵉⵢⵉⵏ

ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ “ⵉⵎⵜⵉⵢⴰⵣ”

ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ “ⵉⵎⵜⵉⵢⴰⵣ”

ⵉ ⵎⴰ ⵉⵥⵍⵉⵏ ⵉ ⵓⵙⴷⵓⵙ ⴷ ⵓⵙⵙⵔⵇⴱ ⵏ ⵓⵙⴱⵓⵖⵍⵓ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴳ ⵍⵎⵖⵔⵉⴱ, ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⵙⵖⵏⵜ ⵜⴰⴳⴷⵓⴷⴰⵏⵜ ⴷ ⵓⵙⵎⴰⵢⵏⵓ ⵏ ⵜⵎⵙⵙⵓⴳⵓⵔⵜ ⵙⴳ ⵓⵙⴳⴳⵯⴰⵙ 2005 ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ “ⵉⵎⵜⵉⵢⴰⵣ”. ⴷ ⵏⵜⵜⴰⵜ ⵜⴰⵙⵎⵖⵓⵔⵜ ⵉⵙⵡⵓⵜⵜⵓⵙⵏ ⴰⵙⴱⵓⵖⵍⵓ ⵏ ⵉⵜⵉⴳⵏ ⵏ ⵓⵎⵃⵉⵣⵡⴰⵔ ⵓⵎⵏⵉⴳ ⵏⴳⵔ ⴽⵓ ⵉⴼⵔⴷⵉⵙⵏ ⵏ ⵢⵉⴳⵔ ⴰⴳⴷⵓⴷⴰⵏ (ⵜⵉⵎⵙⵙⵓⴳⴰⵔ; ⵜⵉⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ; ⵜⵉⴳⵔⴰⵡⵉⵏ ⵜⵉⴷⵖⵔⴰⵏⵉⵏ; ⵜⵉⵎⵙⵙⵓⵔⵉⵏ ⵏ ⵓⵙⵡⵓⴷⴷⵓ ⴰⴳⴷⵓⴷⴰⵏ ⴰⵎⴰⴳⵍⴰ) ⴳ ⵜⴳⵎⵉ ⵏ ⵜⵏⵓⴼⴰ ⵜⵉⵍⵉⴽⵟⵕⵓⵏⵉⵢⵉⵏ ⵜⵉⴳⴷⵓⴷⴰⵏⵉⵏ.

ⵙ ⵎⴰⵏⴰⵢⴰ, ⵉⵍⵍⴰ ⵓⵙⵙⵔⵇⴱ ⵏ ⵜⵏⵓⴼⴰ ⴷ ⵜⵙⵏⵜⴰⵢⵉⵏ ⵉⵥⵍⵉⵏ ⴳ ⵢⵉⴳⵔ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ ⴷ ⵓⴱⴰⵔⴰⵣ ⵏⵏⵙⵏⵜ  ⴷ ⵓⵙⵓⵜⴳ ⵏ ⵜⵓⴳⴳⵯⴰⵙ ⵏ ⵜⵔⴰⴱⴱⵓⵜⵜⵉⵏ ⵜⵏⵜ ⵉⵙⴽⵔⵏ.

ⵜⴰⵖⵓⵔⵉ ⴷ ⵓⵙⵜⴰⵢ ⵏ ⵜⵏⴰⴼⴰ ⵜⵉⴳⴷⵓⴷⴰⵏⵉⵏ ⵜⵉⵍⵉⴽⵟⵕⵓⵏⵉⵢⵉⵏ ⵜⵉⵎⵏⴽⴰⴷⵉⵏ ⵉ ⵡⴰⵎⵎⴰⵥ ⵏ ⵜⵙⵎⵖⵓⵔⵜ, ⵜⵡⴰⵍⴰ ⵜⵏ ⵜⵙⵇⵇⵉⵎⵜ ⵢⵓⵎⴰⵏ ⵉⴳⵎⴰⵎⵏ ⵉⵟⵟⴰⴼⵏ ⵜⵉⵙⵓⴳⴰⵔ ⵢⴰⵜⵜⵓⵢⵏ ⴳ ⵢⵉⴳⵔ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ ⴷ ⵡⵉⵏ ⵜⴽⵏⵓⵍⵓⵊⵉⵜ ⵏ ⵓⵎⵍⴰⵏ ⴷ ⵓⵎⵢⴰⵡⴰⴹ, ⴳⵣⵣⴰⵏ ⵉⴳⵔⴰⵏ ⵉⴳⴷⵓⴷⴰⵏⵏ ⴷ ⵓⵙⵍⵉⴳⵏ ⴷ ⵡⴰⵎⵓⵏ ⴰⵎⴰⴷⴰⵏ.

ⵔⴰⴷ ⴷ ⵏⴰⵡⵉⵏ ⵙⴳ ⵉⵡⵜⵜⴰⵙⵏ ⵏ ⵜⵙⵎⵖⵓⵔⵜ ⴰⴷ:

-  ⴰⵙⵙⵔⵇⴱ ⵏ ⵜⵓⴳⴳⵯⴰⵙ ⴷ ⵜⵙⵏⵜⴰⵢⵉⵏ ⵢⵜⵜⵓⵢⵏ ⴳ ⵢⵉⴳⵔ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ;

- ⴰⴽⴰⵎ ⵏ ⵜⵎⵙⵙⵓⴳⴰⵔ ⵅⴼ ⵓⵙⴱⵓⵖⵍⵓ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵜⵉⵍⵉⴽⵟⵕⵓⵏⵉⵢⵉⵏ ⵏⵏⵙⵏⵜ ⴷ ⵓⵙⴱⵓⵔⵣ ⵏⵏⵙⵏⵜ;

ⴰⵙⴱⵓⵖⵍⵓ ⵏ ⵉⵜⵉⴳⵏ ⵏ ⵓⵎⵃⵉⵣⵡⴰⵔ ⵓⵎⵏⵉⴳ ⵏⴳⵔ ⴽⵓ ⵉⴼⵔⴷⵉⵙⵏ ⵏ ⵢⵉⴳⵔ ⴰⴳⴷⵓⴷⴰⵏ.

ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵎⵙⵙⵓⴳⵓⵔⵜ ⵜⴰⵍⵉⴽⵟⵕⵓⵏⵉⵜ “ⵉⵎⵜⵉⵢⴰⵣ”