ⵉⵎⵓⵙⵙⵓⵜⵏ ⵉⴳⵍⴷⵓⵏⵏ
ⴰⵙⵉⵎⵡⴰⵙ 11 ⵢⵓⵏⵢⵓ 2021

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⵙⵏⵓⴱⴳ ⴳ ⵕⵕⴱⴰⵟ ⵎⴰⵙⵙ ⵎⴰⵕⴽⵓ ⴰⵥⵕⴰⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ "ⵓⵕⴽⵉⵚⵟⵕⴰ" ⵍⵎⵖⵔⵉⴱ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⵙⵏⵓⴱⴳ ⴳ ⵕⵕⴱⴰⵟ ⵎⴰⵙⵙ ⵎⴰⵕⴽⵓ ⴰⵥⵕⴰⵏ

ⵕⵕⴱⴰⵟ - ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ, ⴰⵙⵙ ⵏ ⵓⵙⵉⵎⵡⴰⵙ ⴳ ⵓⵎⵎⴰⵙ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ, ⵎⴰⵙⵙ ⵎⴰⵕⴽⵓ ⴰⵥⵕⴰⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴳⵔⴰⵡ "ⵓⵕⴽⵉⵚⵟⵕⴰ" ⵍⵎⵖⵔⵉⴱ.

ⴰⵎⵎⴰⵙ ⵏ ⵓⵎⴰⴳⵔ ⴰⴷ, ⵜⵣⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⴰⵙⵏⵜⴰⵢⵜ ⴷ ⵓⵏⵏⴰⵍ ⵏ ⵓⴳⵔⴰⵡ "ⵓⴽⵕⵉⵚⵟⵕⴰ" ⵍⵎⵖⵔⵉⴱ ⵉ ⵜⵡⵉⵙⵉ ⴷ ⵜⵡⵓⵔⵉ ⵜⴰⵏⴰⵎⵓⵏⵜ ⵏ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ ⴳ ⵜⵓⴳⴳⴰⵣ ⵏ ⵓⵙⴼⴰⵍⴽⵉ ⵏ ⵜⵎⵙⵓⵜⴰⵍ ⵏ ⵉⵎⵣⴷⴰⵖⵏ ⴳ ⵜⵓⵚⴽⵉⵡⵉⵏ ⵏ ⵓⵙⵏⵓⴱⴳ ⴰⴷ, ⵙ ⵓⵙⵙⴰⵢ ⴰⵏⵎⵍⴰⵏ ⴰⵎⴳⵔⵓ.

 

ⴰⵎⵎⴰ ⵎⴰⵙⵙ ⵎⴰⵕⴽⵓ ⴰⵥⵕⴰⵏ, ⵉⵣⵓⵍ ⵜⵡⵓⵔⵉ ⵜⴰⵏⴼⴳⴰⵏⵜ ⵏ ⵜⵎⵙⵎⵓⵏⵜ ⵅⴼ ⵉⵣⵔⴼⴰⵏ ⵏ ⵉⵎⵥⵢⴰⵏⵏ ⴷ ⵉⵙⵏⵉⵎⵎⵔ ⵍⴰⵍⵍ ⵏ ⵜⴰⵜⵜⵓⵢⵜⴰ ⵍⵍⵉⵖ ⵜⵙⵙⴽⵛⵎ ⵓⴳⵔⴰⵡ "ⵓⵕⴽⵉⵚⵟⵕⴰ" ⵍⵎⵖⵔⵉⴱ ⴳ ⵜⵡⵓⵔⵉ ⵏ ⵜⵉⴽⴽⵉ ⵢⴰⴷ ⵍⵍⵉ ⵢⴽⵛⵎⵏ ⴰⵎⵎⴰⵙ ⵏ ⵜⵚⵟⵕⴰⵜⵉⵊⵉⵜ ⵏⵏⵙ.

ⴷⴼⴼⵉⵔ ⵏ ⵓⵙⵏⵓⴱⴳ ⴰⴷ, ⵙⴳⵎⴹⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⴷ ⵎⴰⵙⵙ ⵎⴰⵕⴽⵓ ⴰⵥⵕⴰⵏ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ. ⵖⵉⴽ ⵍⵍⵉ ⵜⵏⵏⴰ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⴷⵔⵓ ⵓⴳⵔⴰⵡ "ⵓⵕⴽⵉⵚⵟⵕⴰ" ⵍⵎⵖⵔⵉⴱ ⴳ ⵜⵖⴰⵡⵙⵉⵡⵉⵏ ⵏ ⵓⵏⵏⴰⵍ ⵏ ⵉⵎⵥⵢⴰⵏⵏ ⵉⵣⴷⵖⵏ ⴳ ⵉⵎⵎⴰⵙⵏ ⵏ ⵓⵙⵏⵓⴱⴳ ⵏ ⵜⵎⵙⵎⵓⵏⵜ ⵜⵎⵖⵔⴰⴱⵉⵜ ⵏ ⵓⴼⵔⴰⴳ ⵏ ⵉⵎⵥⵢⴰⵏⵏ, ⵎⴰ ⵢⴰⴷ ⵉⵍⵍⴰⵏ ⴳ ⵎⵏⵏⴰⵡ ⵏ ⵜⵙⴳⵉⵡⵉⵏ ⵏ ⵜⴳⵍⴷⵉⵜ.

ⵎⴰⴱ 11 ⵢⵓⵏⵢⵓ 2021